غلبتني ياوقت

جيت الرفيق الي تعذر رفيقه
اللي حسبته في عيوني ولد عمْ

ساقي تكسْر من جروحٍ عميقه
والضيق شاحب لادعا قلت له سمْ

والوقت يسرق خطوتي في طريقه
من وين ماوجه على سكة الغمْ

غلبتني ياوقت عند الحقيقه
هذي دموعي رافعه راية الهمْ

الجفن مستسلم وعيني غريقه
والضيق يبحربي وعيني على اليمْ

دمع الحزن ماجف بالخد ريقه
في كل ليله تحترق دمعتي دمْ

كني يتيمٍ عمته ماتطيقه
اليا بغا مايستطيع ايتكلمْ

يشب حزني بالحنايا حريقه
وتصب عيني همْ من خافي الهمْ

في داخلي ضيقه وعبره عميقه
وشلون صد الي حسبته ولد عمْ