الثورة

لـ يوسف العتيبي، ، في غير مُحدد

الثورة - يوسف العتيبي

الله على اللي لالكد مهرة خياله تستعد
لمسابق الخيل الاصيله والفكر خيّالها

من شاعر اليا من نوى نحت الصخر فكره شرد
تهلهلت له من هماليل البيوت اجزالها

الله جعل صم الجبال الراسيه مثل الوتد
واوتاد بيتك يالشعر ثورة عصف تشتالها

مادايمٍ غير الولي الواحد الفرد الصمد
اللي خلق صم الجبال الشامخه واهوالها

مامن ورى شعق البروق الّا تناشيد الرعد
مامن ورى ثورة حنين الّا غبون ارجالها

من بعدها ثارت مصر للثوره اللي ماتلد
الّا على طرد الرئيس حتى خذت منالها

واهل اليمن ثم ليبيا ثم سوريا ثارت بعد
والدم ساخن والعرب ماتعتبر لاحوالها

ومعمر الليبي وقع عقب السعد شاف النكد
هذا جزا كل طاغين قص الرقاب وشالها

والله يعين المغترب والله يعين اللي قعد
تشتت الامن وبقى فكر العدو يغتالها

الثوره تشرب الدمى والفتنه تاكل الجسد
كمّن ضحيه روّحت عسى الله يرحم حالها

وانا احمد الله واشكره من حاكمٍ كل البلد
تحزن عليه اليا تعب00 تفرح لاطاب وجالها

مامن ورى جيت ملكنا للوطن الّا السعد
ثرنا سعد - ثورة فرح -شعب الوفا غنالها

الكنق والله كنقنا عبدالله اللي لاهبد
يقطع محابيل الفتن لاعقّدت بحبالها

ياخادم البيتين حنّا لك سند شعبك سند
حنا جنودٍ للوطن من دون لبس ابدالها

حنا على وضح النقا نبقى ولا نخلف وعد
في دولة التوحيد والله ماتبور ابطالها

ياسيدي حنالك اصقورٍ على وقت الهدد
فك السبق قبل الهدد وابشر بجود افعالها

المملكه مثل امنا حنالها مثل الولد
ناطى على روس الفتن لاهزهزت باذيالها

ياسيدي عبدالله بن عبدالعزيز امر تجد
شعبك معك ماميلو لو تستميل اجبالها

اصدورنا درع الوطن للحاقد اللي قد حقد
واعمارنا نبيعها لاجل الوطن حنالها

نبقى على البيعه ولا نخلف مواثيق العهد
دام الولا لاخوان نوره مانكون الالها

يوسف العبيد العتيبي
© 2024 - موقع الشعر