المـشـاعـر والخـفـوق..

المشاعر والخفوق كل ماشفتك تهزّه
منك تتهيض شجوني وصابني شك(ن) وريب

العيون ياحبيبي البعيد ما تقزّه
ماتقز إلا حبيبي اللي من قلبي قريب

وانت يا أغلى الحبايب مالي(ن) قلبي معزّه
انجرح منّك خفوقي وأنت له طب وطبيب

ليت عيني يا حبيبي قبال عينك كل حزّه
كان انا من بعد شوفك احلم بحلم(ن) عجيب

اعرف ان حبك بقلبي مثلما رمح(ن) تغزّه
أطلب أتمنى تدلل وأنا لك استجيب

لو تبي روحي وجروحي والقليب لك أرزّه
حتى لو تطلب عيوني ما اردّك يالحبيب

كل ما اقبلت يمي يفز لك القلب فزّه
وكل ما صديت عني يشتعل نار ولهيب

أنا اعزك ياحياتي وأعز اللي تعزّه
مير خوفي من الليالي ماتبقي لي نصيب

عبدالله محمد السحمان..