اشتقت لك ودي على صدرك ارتاح
واعلمك باللي حصل في غيابك
تعبت اضم الطيف وان غاب لوّاح
عطشان مابعد الفؤاد ارتوابك
عندي سوالف عطرها شوق فواح
مايستمعها غير حضرة جنابك
تعال ياللي في سما العين وضاح
قلبي تفطر لهفةٍ واشتقابك
مستأنست روحي عقب رحت بفراح
غير الهجوس اللي تباري ذهابك
خلاص كافيني من غيابك اصياح
اتعبت خطوات القدم عند بابك
ماتكفي الاعذار في كثر ماراح
شفني على صبري اجاهد صوابك
غربلتني وابليت قلبي بالاجراح
رفعتني وارخيتني في عتابك
جننتني عقب العقل كيف برتاح
جردتني بحروف صورة خطابك
وانا على ذكراك لازلت سواح
اطير من ارضي لعالي سحابك
شعر/ الملتاعة
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.