قصيدة الشاعر فالح الرشيدي و ردي عليه

قصيدة/
(فالح بن عايض الرشيدي):

يامرحبا ترحيبة(ن) كلها زهور
ترحب ب عبدالله لين يصبح صباحي

ترحيبة(ن) عطّره بها الورد منثور
لو سمّعها المشتاق جاك اجتياحي

ومن بعدها ياصاحبي ببدي الشور
حيثك خوي(ن) لي ورايك مباحي

وضعي خطير وصار له عرق وجذور
ودنيا تعاندني بزاد وقراحي

ان قلت لي مسحور بقول مسحور
وان قلت لي صاحي باقول صاحي

بسباب مخلوق(ن) سبا حالي عصور
عيا يفارقني ويطلق سراحي

من لامني به جعل يبّلى على الدور
بمصيبت(ن) مايردها إلا صياحي

وإلا عساه لسل سنوات وشهور
منسل ومن سله مريض الطراحي

ماينفعه (قنطار) ولا أي دكتور
ولا (أُسامه) في تخصص جراحي

حتى يتعذب من ألم حاد بالزور
ويطلب من الله رحمته والسماحي

وياللي سليم من الهوى منت مجبور
أحمد مدام انك بأرض(ن) براحي

قلبك طبيعي وما تعوّد على الجور
وعينك تنام من العشاء للصباحي

وختامها مطلوب ردّك على الفور
أما تحل السحر وإلا الصياحي

))))))))))))))))))
قصيدة/(عبدالله محمد السحمان):

مشكور يافالح على القاف مشكور
شكواك هذي زوّدت بي جراحي

الله يجيرك من قويات العثور
ويجعل خفوقك دايم(ن) ف ارتياحي

لاتشكي احولك على شخص مقهور
ذاق العنا ومن بعدها ما استراحي

اذا انت مسحور انا من جد مسحور
واذا انت صاحي انا ماني بصاحي

انا بعد مجروح اعوام وشهور
ثم ضاق صدري بعد ماهو براحي

بسباب غرو(ن) صايبه كبر وغرور
طعناته بقلبي بليا سلاحي

يومه عرف اني احبه ومجبور
قام يتغلى ياعساه الصلاحي

النوم جافاني ولا عدّت مسرور
سهران ليلي لين يبّدى الصباحي

انوح وابكي الليل من قوّة الجور
كما الحمام اللي يجر النياحي

عرضتنا حالي على كم دكتور
طبيب نفسي ثم طبيب(ن) جراحي

ولا لقوا لي حل وقالوا تبي الشور؟
رحّ للمطوّع وخذ معك (ماء) قراحي

يقرا وينفث فيه ثم(ن) على الفور
اشّرب لعلّك تنتعش بارتياحي

مالوم حالك يا الرشيدي ومعذور
مسحور مثلك ومالي غير الصياحي

عبدالله محمد سحمان