يـا حـلو بيـض الـعـذارى ...

جال المحبه يشتكي من كثر مسهر عليه
والمدامع وسط عيني مابقى دمع(ن) تهله

الولع في وسط قلبي وبالمواجع شب فيه
لانظرت احلى البنات طار قلبي من محله

مثل طير(ن) في سما نجد والمحابل تحتريه
هو وده بالفريسه مير خوفه منحبله

انا ابغى من يدواي وقال لي الدكتور ليه؟
قال لي انك سليم وقلت يا دكتور لله

البلى في وسط قلبي شف ملّي مبتليه
قال مشكلتك كبيره وهذا والله صعب حله

لعنبوا رمش(ن) ظليل وكل حاجب يعتليه
لو عيونك في عيونه والله انك ما تمله

ولعنبوا خصر(ن) نحيل والعباية تكتسيه
هذا هو من تل قلبي وحط لي في القلب عله

ياحلو بيض العذارى ياحلو ذيك الوجيه
منظر يزود جروحي ويزيد لي في الطين بله

البنات جنني واتركن عقلي يتيه
حسبي الله عليهن ياجماعة حسبي الله

عبدالله محمد السحمان