أعـشـق وصـالك ..

ليه انا اعشق وصالك ** وانتي دايم جافيه
وليه انا حالي كسيفه ** وانتي التعافيه

وليه انا لي قلب وافي ** وليه منتي وافيه
لازم قلوب الحبايب ** يالغلا متصافيه

حرّكي فيك المشاعر ** والمعاني الطافيه
لولا نيران(ن) بصدري ** مانظمت القافيه

أمشي عادي وآتبسم ** وبي جروح خافيه
والهواجيس أتعاقب ** وكلها متوافيه

لو أنا فاهم ضميرك ** كان بلعت العافيه
وما مشيت بجمر موقد ** وأنا رجلي حافيه

أبغى معسول الكلام ** والحكاوي الدافيه
ودي احيا بالغرام ** والنوايا الصافيه

أسمعي أحلى كلامي ** وقبلي لي لافيه
وسمّعيني احلى كلمه ** من شفاك الشافيه

أنتي لاقلتي أحبك ** هذي منك كافيه
عبدالله محمد السحمان