دنـاءة هالأيـام ...

الله جمعنا بالغلا والمعزه
وفجأه تفرقنا دناءة هالايام

لكن ترى ذكراك في كل حزه
ذكرى عزيزه في خفوقي لها وسام

(وإلا انت) تاج(ن) فوق راسي ارزه
وحزام في وسطي إلى قالو حزام

خاطرك ياخي من نوابه يحزه
جعله يعيش بدنية(ن) طعمها سام

ادري جبل والريح ابد ما تهزه
ثقل وعقل واخلاق مافيها كلام

سألت ربي ذو جلال وعزه
أنه يحقق امنياتك و الاحلام

يارب تجمعنا مع من نعزه
والله يستر من صواديف الايام

عبدالله محمد السحمان