غـنـاتي

كتبت شعري في غناتي من عذابي في هواها
ودي بلمسه حنونه من يديها الناعماتي

هي تفنن في عذابي وماحد(ن) سوا سواها
اشهد ان كل العذارى من حلاها غايراتي

حبها بقلبي مكانه وما تغيّر مستواها
لو بشوف احلى وصوف من بنات(ن) فاتناتي

لو تبي كل شي فيني اصل انا كلي فداها
شاغله فكري وبالي وحارمه عيني تباتي

الغرام اعمى عيوني وزوّد بصدري غلاها
صرت ماطالع سواها عذبتني في حياتي

لو هي زلت وإلا اخطت عشقها يدمح خطاها
مدري وش الحل فيها ياعرب وش هي السواتي؟

راضي بكل شي فيها وبكل عذروب(ن) كساها
ماتراجع عن كلامي ولو تعذرب ما احاتي

علّموها وخبّروها قلب عبدالله شراها
افزعوا لي واسعفوني واقنعو زين الحلاتي

صح بنات الناس واجد بس انا بطرد وراها
غيرها ماشوف يناسب لاسمات ولاصفاتي

انا ابغاها تفكر ويكون عبدالله شقاها
وانا ما يحتاج افكر اصل هي صارت شقاتي

ولا ابغاها تذكر غير اللي ما نساها
عشقها من قلب والله مالي(ن) كل ذكرياتي

اتمنى منها كلمه ودّي تنطقها بشفاها
اللي هي كلمة احبك ذي ترى كل امنياتي

عبدالله محمد السحمان