يـا دمـعتـين

يادمعتين(ن) حايره وسط عيني
لاتنزلين ارجوك لاتفضحيني

اللي مضى ياعين لايمكن يعود
تناسي هموم(ن) مضت وارحميني

مهما بكيتي ياعيوني امعذوره
أدري حزينة بس وش في يديني؟

ابكي لعل هموم قلبي تشتت
لعلي اسلى وانبسط في سنيني

ياناس وش في دنيتي ماصفت لي
وش في زماني ياعرب مبتليني؟

حسبي على من هو السبب في عذابي
بهّذل حياتي وحط جرح(ن) دفيني

لحد(ن) يناظرني بنظره حقيره
اكتب قصيدي وكامل العقل فيني

لكني مقهور ملّّي جرى لي
والصدر ضاق وما به إلا ونيني

مليت من دني(ن) تجيب الكئابه
يالله تفرج كربتي يا معيني

لو ذقتو اللي ذقت لو في ثواني
ان كان قلتو لعنبو لايمني

ذقت العنا والويل وشفت الغرابيل
الله يَفّرق بين همي وبيني

يارب تشرح صدر من كان ضايق
وترد بسمة كل من هو حزيني

وتحقق آمالي وكل امنياتي
وبدمع الفرح اتبدّل دموع عيني

عبدالله محمد السحمان