فمان الله

قلتي فمان الله وجاوبك صمتي
عند الوداع احس بحساس مذبوح

طعنتي احلام المحبه ورحتي
خليتي قلبي منصدم فيك مطروح

شفتي وش اللي في خفوقي عملتي
الدم في وسط الحشى صار مسفوح

يكفي وداعك يدمي الجرح وانتي
زدتي جروح الوقت بفراقك جروح

روحي فمان الله يامن سكنتي
بين الثمان العوج بانيلك صروح

كفي مدامع عينك اللي نثرتي
لا تجبرين دموع عيني لك تبوح

عن خافي اللي في خفوقي زرعتي
متعلقً في روح وهو ينبض بروح

ارجوك كانك في رحيلك صملتي
قفل ركون القلب من قبل ماتروح

وان شفتني صديت ساعة رحلتي
صدي عن وداعك ترى احساس مذبوح