الصاحب اللي صحبته مابها خير
جنبه واشٌري صاحبٍ بان خيره
كم صاحبٍ بالمرجله فيه تقصير
احيا الردا طبعه وموت ضميره
ضقت واحتجته لقيت المعاذير
خير في رجواه تستجيره
وش لك بصاحب عطا يحذي الكير
النار في جوفه و ماء ببيره
ياصاحبي مابيك وقت التياسير
جنبي واذا احتجتك تغيبك ديره
ابيك من باعدتنا المشاوير
كنك معي وان طال دربي تسيره
وابيك شمعه تشتعل نور للغير
ترسل ضياها لكل مظلم تنيره
وابيك فالعليا مثل رفعة الطير
يموت جوع ويذوق الحقيره
وابيك بالخوه مثل سالم الزير
من شان اخوه اباد ربع وعشيره
مابيك صاحب صحبته مابها خير
ابيك صاحب بالوفى بان خيره
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.