واجهتها فـي يـوم خمسـه ثمانيـه - بندر بن حسين المرشدي

واجهتها في يوم خمسه ثمانيه
ف اول شهر شعبان قبل أرمضانيه

ساعة تلاقينا على العز والنقا
يشهد لنا تار يخ خمسه ثمانيه

يوم أقبلت .. فزيت واشرق شعاعها
حي الله اللي جت من البعد عانيه

ثم اوقفت كن القمر في جبينها
وردت سلامً بين سر وعلانيه

قلت انورت دنياي يانور دنيتي
ومن فرحتي مدري وش اللي بلانيه

وحييتها تحية الارض للحيا
لا حل فيها عقب طول الزمانيه

وقامت تبادلني التحيه بمثلها
وتحققت غايتنا والامانيه

وانا ليامن جات عيني بعينها
انسا كلامي ويتلعثم لسانيه

قالت !! قبل مسألك بالله اعاهدك
ما والله انسا واحدً مانسانيه

لكن قلي !! قلت.. هاذي حقيقتي
حبك ترى عن حب غيرك عمانيه

وتعانقت نظرات عيني بعينها
ثمً لزمنا الصمت ستين (60ث )ثانيه

واغضت تكفكف دمعها فوق خدها
وانا من الحيره وقفت .. بمكانيه

اقفت تتل القلب مدري ؟ يتلها
مع دربها كنه على حبل سانيه

راااااااحت .. حياها من قدمها لراسها
ويشهد لها تاريخ خمسه (5/8) ثمانيه

© 2024 - موقع الشعر