ياحي من زارني

ياحي من زارني وياحي طاريه
وياحي من يحيا على شوفته روح

وياحي روحه وقلبه وكل مافيه
ياالبلسم اللي بغيابه صرت مجروح

ان جيتني حق قلبي لي تداويه
وان طال بعدك لمست العذر مسموح

اصبر على البعد لو ماني بقاويه
لو ان قلبي يفوح ل شوفتك فوح

منهو عقب غيبتك قلبي يسليه
مالي جدى غير سهر الليل والنوح

تسألني اشتقتلي وان قلت لك ايه
شوقً تعدى حدود الشرح والبوح

غريب مره سؤالك قلي و ليه
ماشفت حبك بوجهي صار ملموح

من التعب والسهر ماشي يحليه
بقايا احزان عاشت داخل الروح

كنه خفوقي تضايق من محانيه
حراً مقيد وطلعه غير مسموح

يفز مع أسم خله يوم يوحيه
لولا ضلوعي تشوفه بالسما يلوح