مابي جوابـك

مابي جوابك دام عطرك تفيحه
بعين منهي نوٌخت عالي اشهاب

ظنيتك الوافي ولابك شحيحه
إلين ماشحٌت عطاياك الأسباب

وظنيت نياتك معايٌه صحيحه
وظنيتك الصادق وأثاريك كذاب

انسان واحد وانت اكبر شريحه
ماغيرك احزامي اذا الهم غلاب

خابت هقاوينا وباتت تبيحه
مبعادك اللي منية الروح ياشاب

مبطي تراه الداب نسمع فحيحه
إلين ماعيان الملا شافت الداب

أيوه صريحه ليه ماني صريحه
دام الغبي في حرمة البنت لعاب

وشهي البنيه غير عوجه جريحه
في وسط ديبان وغياهيب وذياب

لو هو بديهم كان صارت ذبيحه
مير الحموضه عذر مشفوح الأعناب