مابي أبد تغييرها - محمد المناعي
أسير في درب الشعر واختار منّه ما يجولافخاطري وأعبق القيفان كل ما اسيرهايعني أغيّر لهجتي لجل ألقى لاشعاري قبول ؟لي منها مرّت بالبشر اتشد اذن اصغيرها ؟!الليل لي شاف القلم بكفّي يستانس يطولوالبدر في ضوّه على خطوط القلم في سيرهافيني شعر فيني درر تحتاج وقفات وذهولآمد كفي للقلم يجري على تحريرهااصغوا يا شعار النبط قافي حقيقه بالعقولحتى نوابغ هالشعر تجمع على تقريرهاشعري بحر وانا بحر .. بحرين يا ندر الحصولعذب البحر اغرفه باشعاري بلا تعسيرهاعذب الزلال ابيمنتي .. وابيسرتي خضر السهولأثمر أراضي مقفره وأسقي النبات وطيرهابالله سمعوا يا عرب هي كلما بليلي تجولماغير أسولف بالقوافي وأسلي بتصديرهاألمح ملامح طيفها تجتاحني مثل السيولتفتح جروح الذكريات أبطي أبي تسكيرهاوانا يا صبري من صبر ضيمٍ واثر فجره خجولعيا يجي وعيت تجي وانا احترق بسعيرهاتلبس لباسٍ ماهو لك وشفيك في لبسه عجول ؟!وانا البس اثياب الفخر مابي أبد تغييرهاتبغي أغيّر لهجتي ؟؟ اهروجنا عزّي واقوللبيات تزهى وتنتشي من حجينا بيديرهااش لي بتصنع للحجي مدام حرفي له قبول !واسطّر الدانه وحصه أفخر بتسطيرهامن لا يجرّب هالطريج اشلون بيدل الوصول؟!ومن لا يعرف بهالبحار اشفهّمه في هيرها!!الأرض قد تخلى ولكنّ البحر لا ما يزولياتي بموجه للشواطي يحمل أخير خيرهاماني بشاعر لي كتب يقنع ويرضى بمقبوليشمخ قصيدي بالقلم ممتاز اهو تقديرهاواختم على خير البشر امحمّد الطه الرسولاللي حروفي في وصوفه تعجز فتعبيرها
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.