لا وا هني الي عن الحب طايـب - عبدالعزيز المشعل

بالحب هاك العلم يالذيب بالذات
هاك الكلام الي من القلب صايب

الحب له مع ماض الايام سيرات
بعطيك عنه وادري ما عنك غايب

اخذتلي في عمق بحره مسافات
إلين شفت الموت ثم صحت تايب

الحب له يا ذيب لذه وسكرات
وشلون مدري كيف هذي عجايب

له لذةً تحيا بها اقلوب الاموات
وله سكرةً تردي قلوب الحبايب

لو لذته عقب العنا اتجيك ساعات
تنسيك اعوام النكد و النشايب

سبحان رب الخلق رب السموات
الي جعل من نفس سقمك طبايب

ولو سكرته تاتيك مثل العقوبات
تشوف بالساعه سنين المصايب

احداً طوال الليل نوحاً وونات
و احداً غدى قلبه من الحب عايب

و احداً توفى منه مير انه ما مات
و احداً رماه الحب تحت النصايب

هذي سوايا الحب وهذي النهايات
لا وا هني الي عن الحب طايب

© 2024 - موقع الشعر