البيت

البيت لاتغتر في شكل مبناه
حتى تعرف اللي سكن به وحله

لاربما بيت صغار زواياه
اخير من بيت كبير وفلة

راعيه هشال الخلا دوم تنصاه
لاجات حفيات سوات الاهله

لاجاوه الضيفان يضحك محياه
خطلان الايدي ماتجنبه لله

لعل مقطوع الرجاء ذاك يفداه
اللي طريق المرجلة مايدله

اللي لاجاء الضيف لقاه علباه
ودنق براسه كن عليه المهله

يامستمع للقول خذ مني وصاه
نصيحتن خذها معك في السجلة

من حط له متكى وضون ومقهاه
زارو مناعير النشاما محله