شاي بالنعناع - بنت عجلان

القلب مثل اللي عليه امتراكم
من الهموم السود بالعون ملتاع

والعين شافت ويلها في عماكم
عن كلمة في الحق والسيف بتاع

لا للذي يسلك رذايل خطاكم
يطعن ولا يدرك حصينين لقلاع

اياكم الطعنات ثمّن اياكموي
يا راعيين القذف رجواي الاقلاع

لو تدركون العيب ما قد زراكم
العيب ملبوسٍ مشرشح وخلاع

والنار يا اهل النار فيها عساكم
إنتو حطبها واحسبو الوقت بالساع

لي صارت العقرات رمز لرداكم
وهل كيف ظلم الناس سيفٍ وقطاع

كثرت مجالس تشتكي من خزاكم
يا حيف صار القذف شايٍ بنعناع

ان كانت العقرة توافق هواكم
ياويلكم والقذف جمرٍ ولساع

© 2024 - موقع الشعر