كل أمانينا - فيصل الصلهام

شعاع الشمس وغيوم السماء والصبح وطيوره
على الشرفه تراخي سمعها تسمع حكاوينا

امانه يا دقايق وقتنا طولي ومشكوره
عليك الله وأمان الله لقانا كل أمانينا

قدم ساق الوصل عن سكّة الهجران مبتوره
ولكن الظروف احيان تحرمنا وتعطينا

مدام ان اللقاء خيمه وقصور البعد معموره
حرام الوقت واعصاره يهد أطناب تضوينا

تخيل كل ما سدّل ظلام الليل بستوره
تنوح أطفال قصتنا بما فينا يكفينا

الا يا وقت ماتفهم دموع الحب وشعوره
حبايب يازمن تكفى أمانه لاتبكينا

تعبنا نكتم الضيقه ونقول الحال مستوره
مع إن الوقت يزرع له ملاغم وسط أراضينا

هنوفي سامحي شاعر يعدّك كل جمهوره
غرق مركب هواه ولا إهتدى لمعانق المينا

فمان الله حفظك الله رعاك الله ياعصفوره
رجينا وقتنا لكن صراحه وش يبي فينا

مدام ان اللقاء خيمه وقصور البعد معموره
حرام الوقت واعصاره يحطم كل امانينا

© 2024 - موقع الشعر