أرسل لك الشوق وأبكي من مكاتيبك - فيصل الصلهام

تقسى وترحل وتتناسى وصاتي بك
وتمرّني وألتفت وتصد نظراتك

مافيه شي(ن) لقيته من حياتي بك
إلا رداة البخت واجحاف هقواتك

بالحب والعطف والحشمه سواتي بك
وبالكبر والصد والتهميش ردّاتك

أرسل لك الشوق وأبكي من مكاتيبك
وأغض طرفي عن أغلاطك وهفواتك

مدري وش اللي من الدنيا بيآتيبك
لكنّي أدري عن دروبك ونيّاتك

مافيه أحد(ن) وصل لأعلى مراتيبك
إلا بخيص(ن) بحسناتك وسيّاتك

يا مرتّب الجرح فيني من تراتيبك
رتّب شتات المحبّه دامها جاتك

على كثر ما رجى قلبي معاتيبك
على كثر ما سعى لإنجاز حاجاتك

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر