شمعة البيت - بنت الرويعي

راح الليل دانة ، وغابت نجمة الأحباب
وذابت شمعة ظلت سنين طوال تضويني

عزّ الوقت بأفراحه ، وطالت غيبة الأصحاب
ما ظلت في هالدنيا ، غير إيدين تعطيني

تبقى دعوتك يمَّه ، بشاير خير يم الباب
وتبقى شمعتك تضوي ، زوايا الدار في عيني

كان الحب يغشيني ، ويعطيني أمل كذابوي
يجرح خافقي وألقى حنانك حيل يشفيني

وليغطي ظلام الليل ، واستاحش قمرنا وغاب
يكفيني سنا عينك ، ينور كل ما فيني

يا ريحة هلي وناسي ، يا سدرة ثمرها طاب
يا غيمة غدت تمطر مزون الشوق وترويني

صارت القلب يا يّمه صغير في الهوى ما تاب
يلقى حضنًك الدافي ذراي اللّي يدفيني

ودي أملك اللحظة ، وأرسم فرحتي بكتاب
وأهديك عمري الباقي رسالة شوق بيديني

ودي أحضن كفوفك ، وأشري غفوة الأهداب
وأشرب من رضا عينك دمع يسقي بساتيني

راح الليل يا يمَّه والغلطة عمرها شاب
غفري زلَّتي يمَّه ، مناي انك تعذريني

© 2024 - موقع الشعر