الله يحيي الغرام الصح ودروبه
اللي على خد صدري شيد خيامه
هيض مشاعرغلاه برقة اسلوبه
وملك صروح الغلا شرقه ليا شامه
حاولت اخلي المحبه واعلن التوبه
واترك مجال القصيد العذب وهيامه
وعرض عليه من الصدفات رعبوبه
تحط في قلب من ينظر لها شامه
فيها الحلى والدلع والزين. مصبوبه
وقعلها من يعرف الزين ببهامه
بنيت قصر الغلا طوبه على طوبه
لي غلاها بقلبي ركز اعلامه
محبتن بالشرف والعشق مصحوبه
ماهي بمثل الهواء في تالي ايامه
انته يادبدوب والا انتي يادبدوبه
بالزيف والكذب كلن يعلن احلامه
الحب في ظن بعض الناس لعبوبه
يضحك وفخ الخيانه برمج ارقامه
يمشي على خطةٍ بحساب محسوبه
وإن وافقت له كرب للفرصه حزامه
ياجعلهم فدوةٍ لعيون رعبوبه
اللي غلاها بقلبي ركز اعلام
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.