ولافيه قصر وثيق(ن) مثل قصر اليمامه

لـ ، ، في غير مُحدد، آخر تحديث :

البدع..ابوزهرة
.
يقول ابو زهره ببدا بالقصايد والاشعار
ودروبنا باينه واالنور واضح وزهران
اما مشينا على حكمه ومنهاج راسي
والا ترى بعد هذا ما علينا ملامه
.
الرد.. بن هندي
.
بو زهره بارد مادام ان جامنكم إشعار
ونحن رفاقه ومعروفين والأسم زهران
هذا ابن عم(ن) وذا خال(ن)وذتاج راسي
وولدنا تعرف اصله قبل يبدا كلامه
.
البدع ..حمدبن مسفر
.
يامرحبا والجدار ابنيه بيدي ولاانهار
جدار منحوت فيه الطيب رسمه نحيتان
والخيل يبغى لها تدريب ياهل السياسي
والصقر ماعام وسط النهر والوز ّعامه
.
الرد .. حسن عامر
.
قال المحبي سبحنا اكبر محيطات وانهار
الله ياكم لقينا من قروش(ن) وحيتان
والبحر مايشرعه غير الخبير السياسي
ماهو بكثر السوالف والحكى والزعامه
.
البدع ضيف الله العامرى
.
هدمت يابوش شعب وقلت باعيد الاعمار
كذاب يابوش ماتعمر بعد صار هدمان
خليت شعب العراق يموت همآوياسي
غررت بالعالم المخدوع شرقه وشامه
.
الردحمد بن مسفر
.
لوالعمر كان بيدي قلت باعيد الأعمار
واشكي من اللي هواها خافقي صابه ادمان
تهمس لنا بالمحبه والغلا همّياسى
امّ العيون الكحيله وامّ خدّن وشامه
.
البدع ابو زهره
.
انحن معاكم على الموال لا وقت الاسحار
ونرمي اللي نوى بالمخطيه سد نجران
باقي نكسر ظهور اهل العداء بالكراسي
وندس راسه بقاع الارض زي النعامه
.
الرد بن هندي
.
انا معك يابن عمي لاتفكر وتحتار
ومن نوانا فوالله لانجر القلب نجران
ماني بخايف مادام القلب والراس قاسي
حارب وجاك ابن هندي والمنيمس حزامه
.
البدع حمد بن مسفر
.
ياللّي تشلّ الكراسي خذ معك خمسة أنفار
اللّي نقدّم له المعروف بالشين جيزان
ورّدت له جمس سوبر بان والدبلماسي
عوّد علينا يصادمنا ورابط حزامه
.
الرد .. حسن عامر
.
بعض البشر مايضرأن هاوش القوم وان فار
مثل الذى يرمى اهل طريف من سد جيزان
حتى لو أن الجواز اللى معه دبلماسي
يبقى الجبل عالي(ن) مايدرق فالحزامه
.
البدع ابوزهره
.
باعلمك يبن هندي عن تلاميذ شطار
هذا المحبي وهذا هو حمد ولد شمران
اما المحبي فهو تلميذ لآبو نواسي
واما ابن مسفر فهو تلميذ لآبو دلامه
.
الرد بن هندى
.
الصقر معروف لاحلق في الجو واذا طار
ونحن رفاقه نهار الزحمه للحرب شمران
اخوان وانساب نتعاون ولا احنا نواسي
والمنطقه واحده من السراه لاتهامه
.
البدع حمد بن مسفر
.
أخاف أجازيك من جنس العمل ياسنمّار
والاّ انت ماظن يوكل بك على اربع من الضان
كنّا تلاميذ ونجحنا بوقتن قياسي
خلّ انت باقي بتبطي ماجمعت العلامه
.
الرد .. حسن عامر
.
في لناس ياصاحبي ذيب(ن) وبالناس نمّار
واللى يناطح جبل يلقى جروح(ن) ورضان
بوزهره البس ثياب(ن) بيض وعلى قياسى
لاتمشى السكه اللى ماعليها علامه
.
البدع ابوزهره
.
في مدرسة بو دلامه تحسب المتر هكتار
خذ الشهاده وعلقها على كل جدران
يمكن توظفك في الحارات عامل كناسي
والا توظف بها سواق جيب القمامه
.
الرد بن هندي
.
يامشرف المنتدى وشفيك داله ومحتار
ترى الذي مثلنا للشعر جاهز وجدران
ودي نذكرك واحذر لايكون انت ناسي
ترى الصقر ينعرف لاتحسب ان حمامه
.
البدع حمدبن مسفر
.
ترى الرصاص ان تجمّع ثار والاّ انّتثر ثار
وآزيد الابيات وآخذ لي مع الناّس مشوار
الحيد ماينعصر لو قلت بازيد الاعصار
لقيتكم في كتاب ابليس مجرورن وجار
اركن على اللّي يجمّلني في الوقت راكان
والبعض لاشاف زولي يبصر الموت عزران
ترى القصايد لها قانون والسانك احصان
لكن على قولة الشعار في كلّ ميدان
ان متّ ياراس تفداك الغتر وانت راسي
وان عشت ياراس نكسيك بعقال وعمامه
.
الرد .. حسن عامر
.
يا راعى العرف جنب كل فاضى وثرثار
صاحب حكيم(ن) حصيف الراى ويولم اشوار
هذى نصيحه حفضناها من ازمان واعصار
والجار حشم جنابه واكرم الجار لوجار
وانشهد انك خوى عند الطلب يابوراكان
فزعة لا لاصحاب والبائر تعزره عزران
وانا معك لو بغيت نشيد ونهدم احصان
ولا نميد الرواسى يازميلى تميدان
ياثرب تمر القرون وتنتهى وانت راسى
مايحجبك ياجبل كثر السحب والعمامه
.
البدع ابو زهره
.
ما فادتك لا نصيحه ما يفيدك ولا انذار
وفي آخر الليل تتونس بطبله ومزمار
مسكين ياللي تقول ان الرطب والبلح مار
علاجكم ياطويل العمر في شارع اشهار
تخصصه علم نفسيه ومن صابه اجنان
ماهي عيادات وهميه ولا طب الاسنان
جوله من الهند ومن الصين وبلاد لبنان
سكانه اطفال وعجايز وشي قسم نسوان
كما سجون الحكومه تنحبس به حباسي
واذا تعافيت فحمد ربنا عالسلامه
.
الرد بن هندى
.
الشعر ياربعنا ماهو سوالف وهذار
والكلمه الطيبه يقلون زوداً بالاعمار
ونحن نريد البنا ولكلمه الشينه دمار
اقولها وارفع الاصوات للناس باشهار
والهيض هو والقصايد ذوق للناس وافنان
ومن بيغلط فلا ينفع يقل زلت السان
والله مانسمحه ونشير يمه بالابنان
هذي نصيحه وبالله خلو الطيب عنوان
ياعزوتي كلكم وقت اللقاء يالباسي
يافخرنا يالبس الجنب ياهل الزعامه
.
 
البدع حمد بن مسفر
.
الظاهر انّا نشبنا فيك ياعمّ غوار
تعبت اطارد قبس يانارنا زوّدي نار
معذور مثلك بطل لونربطه لو نفك سار
قد كان في خاطري ناخذ هروجن ومسمار
لكنّ بعض البشر خلّى المقاريع بعيار
وان جاب هرجن خذاه ايقول ماخت وانكار
واللّه لولا الحيا والهرج لاشكمك شكمان
آخر قصيده بنيناها لك العذر يابان
معذور ووانيت عن منّتك عن منّتي وان
ترى الخبر قد وصلّي لك تولّمت ولمان
خلاص يكفي من التجريح وامن المري كان
من خمسة ابيات قلناها لك المر سداسي
ياشاعرن جيتنا صقرن وروّحت هامه
.
الرد .. حسن عامر
.
يشوقني موتر(ن) فالخط يمضى وغوار
بميه وخمسين الف ماهو بميتين دينار
من فوق الالفين يعجبنى موديله وفكس ار
مضمون ماقد فتح بابه ولا انحل مسمار
يمر مثل النسيم وكل شى فيه بعيار
هو منيتى فى المواتر خل عنا التونكار
مافى التونكار غير النور وزعاج شكمان
لاتقتني غير موتر زين ميد ان يابان
والله مالى بسياره من انتاج تايوان
ولا من انقلترا ولا فرنسا ولالمان
مافيه مثل التيوتا ويش ابي بالمريكان
وانا تهامى ولا حب اقنى المرسداسي
رفيقي الجيب يوم اجى مروح تهامه
.
البدع ابو زهره
.
النصر فاده على خوض البطولات سيزار
واذا انهزم نادي الوحده تعلل بالاعذار
باقي تدور الليالي ثم بعده زمن دار
والنحل تلقاه متجمع على روس الاسدار
وانته ورى شاشة الحاسب ولاكن شي صار
لو كان وجهي بوجهك كان وليت الادبار
بحكي لكم سالفه ما تنسي عبر الادهار
السلحفاه يبن هندي جت تسابق لها قطار
في وسط ذيك الرياح العاصفه والجو امطار
واهل القطار اعدلوا واتناولو وجبة افطار
ياظل عقل السلاحف جت تسابق في الاسفار
بدت بعجمان لكن النهايه بعجمان
وان القطار ابتدا لكنه امسى بالاسبان
ماالفرق ميل(ن) ولا ميلين بل عد ميلان
نبصر عجائب وياكثر الذي تسمع آذان
تزود القافيه تحسبك زي ابن سحبان
منت الهريري ولا عيظه ولا ولدحوقان
ومنت صالح عزيز ولا انته اسعيد هضبان
وآنا على شارع الستين قابلت ورعان
واحد من السود واما اثنين غلمان مردان
واثر ابن مسفر على كفيّه ختم نحاسي
باقي نحاول ونتجرا ونسرق ختامه
.
الرد بن هندى
.
تفرجو كلكم يامن لذالمنتدى زار
وقولو الحق واعطو من يخالفكم انذار
الوقت غالي ولانبغي تهجم ولا إهدار
وكل شاعر نحب انه يحاور بمقدار
تطيل في هرجتك لكنها عندي قصار
ولا علينا ولدكم عاق والا الولد بار
يكفي نوضح واحذركم بقوه وبجهار
وهرجنا لاتكلمنا نعده بمقطار
والقاعده عندنا فيها صواريخ ومطار
ويعجبك قايد الطياره فالجو اذا طار
من حربنا خصمنا تبصره خايف ومنهار
واذا صرخنا على الرجال يسكت وعجمان
نفهم جميع اللغات ونفهم لغات الاألبان
ونعدل الوزن دايم مايجي فيه ميلان
ونرد كيد الذي يوذي ولانقبل اذان
والشين يبشرعلى الأشواك نسحبه سحبان
تصبح عظامه في ارض الله تنحاق حوقان
ومن يحاول يعينه نضرب الراس هضبان
ولو يدور البلد ماجاه فزعه ولا انعان
هذي نصيحه وقالو مثل ماتدين تندان
اقوله ياللي تعاندني وحظك نحاسي
عندي بدايه لمن يحرب وعندي ختامه
.
البدع حمد بن مسفر
.
النصر نصر البطوله مايقارن بالانصار
من فرّ من ساحتن للمعركه قلت يافار
ياللّي تغنّي لنا بالصوت قم شدّ الأوتار
وان كان ودّك تراقص فاشتر الزّير والطار
لاصرت نشوان فالميدان بيصيبك الزّار
واحذر من الديزل الليّ واردن في علب قار
ياربّنا ياعظيمن قال للشي صر .. صار
يامن بقدرته قد نجّا رسوله من الغار
تدلّنا نصحب الطيّب ونمشي معا اخيار
قالو العرب مايخيب الليّ يشاور ومن شار
وآشاور اهل العقول الرّاجحه نطفي النّار
لنّ القصايد لها ضربن كما ضرب شامان
ولا تقوم الدّعاوي دون حجّه وبرهان
واللهّ وباللّه منزّل سورته بآل عمران
ماودّنا نخسر اصحابن عزازن كلخوان
دنيا دنيّه وماقرّت ولو لابن كنعان
وآدم ونوحن ويعقوب وبعدهم سليمان
لكنّ لابدّ هرج افلان يكشفه علاّن
حتّى ولو يمدحه وايقول ذيبان ذيبان
تلّه على كلّ شينه قال قم ياكحيلان
ذكرت شعّار واجد مير وينه ولد خان
شاعر من الهند ولّف فالقصايد كتابان
ياوجد حالي علي منهو تمدّح بغيره
لكنّ ياجعل به فالامر خيرن وخيره
احسّبه شاعرن متمكنن رجّ زيره
واثره من اللّي يخلّي الشعر شتمن وعيره
وش تاخذ الرّيح من شمّ الجبال الرّياسي
والصقر مادام حلّق شاف قُصر اليمامه
 
.
.
 
الرد .. حسن عامر
.
يارعى المخطيه فى سوقنا مالك انصار
لاتحسب ان القضيه كلها ضحك يافار
انصحك ياكل مسلم صل فرضك والاوتار
خلك معى والقضيه خلها داخل الطار,
يا ذا تقول لى مراد امزح معاكم وهزار
قال المثل مايخمج مشربه غير الابقار
حاولت مافك باب(ن) فيه خلّه وصرصار
وكل رجال له هيبه ومقدار ويغار
لكن بعض المثايل كنها فجل وخيار
وعلى الخشب ياطوال العمر ماكل منشار
ايش رايكم لو نجى درب(ن) فسيح(ن) ومنّار
ونشوم عن هرجة المنقود يالربع شامان
ولا يجي سوقنا تمره رخيص(ن)وبر هان
ايدك معى يابن هندى نعمر السوق عمران
والحمدلله مامنا ردي(ن) ولا اخوان
ولا ربينا الذى فى الضيق شارد وكنعان
يبقى الجبل ما تحركه العواصف سليمان
ولا يضر الصخور الجايره روس وعلان
ماجهلك ياذ تضن الحيد مالصوت ذيبان
لو انت ابوزيد والحيل الذي فيك حيلان
تنشب ونارك تخونك لاشرار(ن) ولادخان
عندى نصيحه صريحه خذتها من كتاب آن
تقول لاتزرع الا فى بلاد(ن) بغيره
والمزرع البور مايغنيك رزقه وخيره
ولاتماشى رفيق الزار لارتج زيره
ولاتشرب الا العذوب وخل عنك الوعيره
والبانى الفاهم المبنى متى قرّ ياسى
ولافيه قصر وثيق(ن) مثل قصر اليمامه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر