طرالي ما طرالي - مشاهد العتيبي

على بالي طارلي ماطرالي
ادل الدلو واشد الحبالي

ابغرف من مجم البيرصافي
قصيد فيه من طعم الزلالي

واسير رغبتي فاللي يجمل
وخل الشين وش ماله ومالي

وعساني ماتعدى خط حدي
ولاطولها مع الهرج الطوالي

اهيم مع العرب غير(المهيم)
مع الوديان وبروس الجبالي

قصيدي فيه.. مازكي قصيدي
قصيدي فيه ميله وإعتدالي

اميلها على الخشف المذير
واعدلها على زحول الرجالي

لو اني تالي الايام مغرم
وحالي مابقا لي منه تالي

اون وكل ونه من ضلوعي
تحطب دقاقها بعد الجلالي

من اللي حبها في وسط قلبي
بناله قصر وصروحٍ عوالي

يسريني خيالي يم حيه
واضيع بصاحب الزين الخيالي

نحيل الخسر معسول الشفايف
وردفه مثل مزموم الرمالي

وصدرٍفيه من بيض القماري
وعنقه شبر فوق اربع قفالي

ووجهن كن نور البدر نوره
ورمشٍ كنه سهوم القتالي

مغطي له ورودٍ ناعماتي
تظلل تحت عكشه فالظلالي

والا منه فرد ليه وفله
تميل الشمس في حضن الزوالي

عساني ماعدم وصله وشوفه
وعساها ماتغيبه الليالي

© 2024 - موقع الشعر