باسمك الورد يتشكل

ألمحك..وأصد..وأنسى إني لمحتك
بس فجأه..صاحبي تطري عليه

كنت أكابر..واتجاهل لا سمعتك
والصحيح يزيد نبض الشوق فيه

بعذب حروف القصايد..لا وصفتك
قلت لأهل الشعر..جيبو لي حليه

صاحبي دورت أنا عنك وشفتك
بين قلبي..وبين عين أجوديه

كنت أحاول فيك..لين إني فهمتك
فارق يا صاح..عن كل البريه

بأسمك..الورد يتشكل لا نطقتك
ماتشكل من حروف أبجديه

قلبي أغلى شي عندي..هو وهبتك
وأدري إنك صاحبي..صنت الهديه

مايطولونك..وأنا ياصاح طلتك
وأتباهابك..على كل الرعيه

بس أغار من القصايد..لا كتبتك
صاحبي هذي ترى كل القضيه