لعبة الكاش والنرد

لـ احمد المنتشري، 20/07/11 02:00:53 AM، في غير مُحدد

لعبة الكاش والنرد - احمد المنتشري

ياضامي(ن) ليت الوفا كاس باليد
واروى خفوقٍ في بعادك ضميته

سليت لا واللي شرع وافي العهد
ما انساك لحظه لو غرامي سليته

غالي وعشقي لك يلبي ويشهد
لبيه../ حبك في عروقي غليته

نويت تبعد قول ياصاح والود
اللي سكن بقلوبنا وش نويته

دامك شرعته في نهايته من جد
ليت الأمر بيدي لشي ن بغيته

وارمي غلاك اللي سكني وسرمد
يمين خذها من مخيخي رميته

خذيت عمري معك كالجزر والمد
وبطلتك واقفاك شوفي خذيته

مالي سواك اهواه يامايس القد
رد المكان اللي بغيري مليته

بيتك مكانه بالحنايا توسد
وانا خفوقي تايه وين بيته

بكيت بعدك والمدامع تجدد
وانته ولا مره فراقي بكيته

ليت الحلوم اللي بليلي تعمد
تزور جفنك حزة الصبح ليته

لقيت منك البعد والبين والصد
وانا وصالك بالحنايا لقيته

ابليت طرفي كل ماراح لك رد
قال الوصال بليت خله بليته

رأيت في عينه سكن (بوي وفرند)
اما وفا../ لك../ مابعينه رأيته

اصحى وصبرك يالغلا واصل الحد
ماهو براجع لك../ لعلك صحيته

وافي بطبعك مثلما العود لاند
تُحرق بناره ورغم هذا وفيته

خله يواصل لعبة الكاش والنرد
بيعود يسأل عن فؤاد خليته

اروي فؤادك بالذي فيك معتد
يستاهل اللي من وصالك رويته

شعر//احمد المنتشري،،
في 22 / 3 / 2009 م

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.

مناسبة القصيدة

الله الرحمن الرحيم السلام عليكم ورحمة الله اليكم متواضعتي لعلها تشفع لي غيابي القسري عنكم... مدخلــ 7 7 7 العتب مثلما نار وحطب به لهب واعذبه كله تعب وفيه حب والألم آآآآهـ ياجور الألم ليتها كانت حلم حتى اصحى بس ما كان العشم كنت صاحي وكانت الفرحه جراحي في مسائي ياصباحي وصارت البسمة وهمّ وصحت آآآآآآهـ وقلت آممممممممم برج من عمري انهدم 7 7 بإختصار ما يفيد الإعتذار اللي صار منك يالمجمول صار قلب عاشق عاش في حالة حصار كنها قصة فلم فيها حب وفيها شوق وفيها دمعه لوحدها كانت حلم

عناوين مشابه