البارحة ما هملج الجفـن بمـراح - بصري الوضيحي

البارحة ما هملج الجفن بمراح
وسريت للي كاللوالو عذابه

قالت تنزح لا رهج النزل بصياح
ماني من اللي بالردى ينهقى به

قلت امني ياعين خشف الي لاح
يا عنق ريمي تجدد صوابه

قمت اتمدرى له واديره بالامزاح
لان الحبيب وقام يضحك بنابه

ولجيت بالثوب الحمر زين الارياح
لين ان عمود الصبح بين سرابه

قالت تنزح قبل فلاج الاصباح
والسد معك وداعة والحزابه

ماني ولد هيس على السد بياح
اللي الى فارق عشيره حكى به

علمي بهم ياخليف يوم المطر طاح
واليوم عشب الوسم كل رعى به

ماادري مع اللي فيضوا يم الاسياح
والا مع اللي سندوا يم طابة

© 2024 - موقع الشعر