ما بها شي فاتك

ما جاد وقتك بالتوافيق لو جاد
واغنم حياتك قبل تاتي وفاتك

اللي مضى قد مات ما عاد ينعاد
وترى البقى للي بقى من حياتك

ولا يحزنك لو النكد عالفرح ساد
ترى الفرح والحزن جزئين ذاتك

وما فات حلمك لو عصى لك وما انقاد
وترى الدنيّه مابها شي فاتك

واليوم لا روّح توفّى ولا عاد
ومابه فرح واحلام تسبق وفاتك

ما دام بالدنيا شرورً مع أوغاد
اكتب على الدنيا بكبرها وصاتك

واسعى لجنات البقى بيوم الأشهاد
ولا الحياة هموم وبالضيق جاتك