المصالح

ياقلب لاتحزن على اللي يبيعوك
ولالا ياقلبي لاتدور رضا هم

جازيتهم باحسان وعقوق جازوك
جرحك كبير ولاتفيده مراهم

عقب المحبة من عداهم يعدوك
ماكننا في يوم وصل وتفاهم

ناس على بعض السوالف يحدوك
الله عن دنياك يبعد مداهم

لجل المصالح بالمحبة يخدعوك
ناس ذممها تنشرى بالدراهم

احذر ترى بضروسهم لا يعلكوك
وإن راح طعمك بادروك بجفاهم

وان كان ياقلبي وبالدرب لاقوك
تعوذ من ابليس وانفث علاهم

ياقلب لاتحزن على اللي يبيعوك
ترتاح من كثر الهموم وبلاهم