العام الآخر

العام الآخر مَر و الشوق لازال
و الصاحب اللي صد له ود باقي
 
يبقى الغلا له بس في كُل الأحوال
إن كان وصلي به او به فراقي
 
ما ذَم في خلّه كود إبن الأنذال
وأكرم ويكرم هو لو صدري ضاقي
 
صحيح بُعده هم كل يومِ موال
إما احظرت ذكراه أو طيفِ راقي
 
أما سوات الهند رجال رجال
وأما مصر وأيام فرقى وتلاقي
 
واما مواقف خل للغيض تغتال
واما شهامه ابها كل طيب فاقي
 
أيام راحت جد يوم الزمن مال
لو انجرحت إبجد وماكنت هاقي
 
الله يسهل له بحلن و ترحال
وإيعينه ولايكون في يوم شاقي
 
ماودي ياتي يوم يرجع بنا الحال
والمدح حق ممن ما كان عاقي
 
فالعام الآخر مر و الشوق لازال
والصاحب اللي صد له ود باقي
 
 
6/6/2011