الحب جنه لكن / الشوق مجنون - دلان بن مساعد

ليت البشر في ساعة الحب يوفون
ويمطر علينا حب صادق مراهيش

وعذالنا من شوفت الحب يبكون
ياللي شبيه الحر يا ناعم الريش

الحب جنه / لكن الشوق مجنون
يعني نحب شويش / ونسامح شويش

كذا يصير الحب أحلا من الكون
وأحلى من أيام الطفوله ../ مع الطيش

يا لذة الدنيا .. أنا فيك مفتون
أصبحت في حبك سوات / الدراويش

أسج وأغني مع اللي يغنون
وأدفع على شوفك حياتي بخاشيش

يعني أنا في حبك اليوم مسجون
وفراجي أشوفك على حب / ونعيش

والصدق حاضر وأعرف ابليس ملعون
وابليس لامنه حضر / صار تشويش

هذه علوم الحب والحب مضمون
لا صار مثل / الملح / في لذة العيش

© 2024 - موقع الشعر