كل مافتحت كتابي وجيت ابقراه - خلود الهاجري

كل مافتحت كتابي وجيت ابقراه
تطلع عيونك بالغلط في كتابي

ويروح كل اللي قريته وانساه
واسهى مع عيونك وقصة عذابي

اتأمل برمشك سحرني بمزاياه
ماهو طبيعي حبك اللي سطابي

غلاك في دمي ويمشي بممشاه
يااقرب لجسمي بالغلا من ثيابي

وقروق قلبي لي تردد عشقناه
وحبك جهرته وكل عااشق درابي

قلبك ياخلي كلنا من فداياه
مستقبلي يفداك وزهرة شبابي

ولاظنتي انجح انا واتعداه
ودكتوري لو يدري بوضعي رضابي

دكتوري لو جربت سكر شفاياه
والله لاتسكر وهو شرابك شرابي

ولو شفت عينه غير تعشق وتهواه
ولاتلومني يومي اكثر غيابي

مابي اداوم خوفي ابعد ولا القاه
خميسهم بالذات منه عذابي

فديته من راسه الى حد ماطاه
وفديت عينه بالغلط في كتابي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر