على وضح النقى

تفيض افكار راسي معرفتها
وتغرّد بالقصايد اغنيتها،

وتسقي قاحل القيعان ماها
ويفوح العطر من زاهي نبتها ،

واذا هاجت ظروف الوقت: هاجت
وشبّت كل ظرف بْ صاعقتها ،

رعدها سيف والأمطار شلفى
تحذف الروس من فوق رقبتها ،

بميثاقٍ يزيد الدار عزّه
يزيد التاليات لْ سابقتها ،

على وضح النقى ماهي بخدعه
خطابات الملك قد فسّرتها ،

ولكن شرذمه بالظّل تسري
تبرمج فكر قوم ٍ واخدعتها ،

تدور الصّيد في عكر ٍ من الما
وتشعل فتنة الزّيف ألسنتها ،

أقوله والعلوم إلها دلايل
مواقف والفعول مبرّرتها ،

يجور الوقت والدار مْحميّه
قبايل عن فعايل حاميتها ،

بسيفٍ ينحر مْعادي دياري
وشلفٍ ماتداوت صايبتها ،

وقفنا دونها بالسيف حنا
سيوف تْصيب روس ٍ وحذفتها ،

( ليا حان الملاقى شف رحانا
تدور و بذرة اعدانا طْحنتها ) ،

و ياكم من قبل حنّا عفينا
دياري دايم الرحمه صفتها ،

تحت رايةْ مليك المجد دايم
سما الأمجاد داري عانقتها ،

كريم ٍ غرّقت يمناه شعبه
يمينه ما يمينٍ ماثلتها ،

أسد ،ضرغام، ليثٍ بالصّرامه
بِحِكْمَهْ كم يقصّر طايلتها ،

مِلَك قلبه من الكون : اتّساعه
يجود وما يهمّه تكلفتها ،

عزيز الشان عِزّ الشعب عِزَّه
زرع بالدار عزّه وحصدتها ،

وهاذي عشرة سْنينٍ مضيئه
بميثاقٍ ودستور ارسمتها ،

عسى ربي يديم الأمن فيها
ويحفظ عسكر و شرطة حمتها ،