ضد التظاهر - عبداللطيف العوفي

مبداي بسم الله الرحمن واردده
المالك الملك سبحان العزيز الجليل

الحافظ البيت يوم إن ابرهه هدده
أرسل عليه الحجاره مع طيور أبابيل

هذا الوطن حر من عهد اللذي حدده
من عهد عبدالعزيز.الشرع نهج ودليل

اشتد الارهاب والعدوان متشدده
الله حسيبي على الطاغي ونعم الوكيل

ياسيدي لك وللدار الولا نجدده
ارواحنا نسوقها فدوه وهذا قليل

امنع جميع التظاهر والامر شدده
من شان مايدخل المفسد ويغري هبيل

مادام الابواب مفتوحه ومتعدده
ليه التجمهر بلا داعي وسد السبيل

الشعب سهمك وفي صدر العدا سدده
ترى الشياطين لاتهدى ولاهي تقيل

الأمن كيد العدا والله مايبدده
يبقى وله منهج التوحيد ظلٍ ظليل

نايف رعى الأمن والله للوطن ودده
أمن البلد والبلد والشعب والحكم أصيل

من يحكم بشرع ربه ربه يسدده
والحمد لله مالغيره علينا جميل

جميعنا نشجب الارهاب ونندده
من يفعل العنف مايدخل علينا دخيل

ياسيدي ثن قيد الطاغي وحدده
حدد يدينه ورجلينه وخله ذليل

اللي يراهن علينا ثوبه يقدده
حنا فدا للوطن والدين والله وكيل

عبداللطيف العوفي
© 2024 - موقع الشعر