المزون الروايح

يا مطلق الجنحان وين انت رايح
على هواك وعيشتك في مطيرك

تضرب بصدرك فالهوى وانت شايح
ولا تلتفت في ماقعك مثل غيرك

وانا لو الجنحان مثل اللوايح
مصيرهاا فالجوّ ماهو مصيرك

يا ما حلا بين المزون الروايح
خفت الجناح لحاجة ٍ في ضميرك

فوق اشهباً تجنح بقلبك جنايح
من قبل لا تركب ظهرها تثيرك

يسوقها اللي كاسبن للمدايح
لا دارها جعل الفلك ما يديرك

يا خذ بهاا في شف نفسه نفايح
يا بارد الغربي ونسمة عبيرك

يالايمي ماهيب ساعة نصايح
ولا هيب شرح معاملات لمديرك

اطرق بها بين الرجوم النطايح
الليا اجتمع فالارض شرّك وخيرك

ساعة على شقحاً لاجاتك تمايح
وأخذت عليك اسناب حاست مريرك

اسج ساعة عن عيال الشرايح
امبرمجين ارقامهاا الله يجيرك

حيل الهروج اليا اقتفوها لقايح
ولو يسرح ابعيرك ما يضوي بعيرك

أنا على وسق ا مجنحان سايح
يا طير لا جينا سوى بستشيرك

عطني وانا بعطيك بعض القرايح
و اليا افترقنا كثر الله خيرك