يابوسعد

يامرحبا والكيف تزها دلاله
فنجال لهل الكيف يروي الضمايا
ويامرحبا رحب المطرمن خياله
في ماقف الترحيب واهل التحايا
الحمد لله والشكر والثناله
الواحد المعبود جزل العطايا
سبحانه المتعال جلا جلاله
عالم بحاسيس البشروالنوايا
شافا الكريم اللي كريمه خصاله
رمز الوفاوالطيب عذب السجايا
أجروعفاءوالعبد هذي حواله
واللي صبر موعود عند البلايا
القلب ضاق الأمس ياشيخ جاله
لجلك رفعنا الكف لله رجايا
واليوم حل السعد والهم زاله
زاله عظيم الشان رب البرايا
يهمني ويهم الاجوادحاله
ياجعل عينه ماتشوف الرزايا
وافي وتشهدفاالمواقف فعاله
طيب ولا له في سجله خطايا
أليا حضرأكيدياطيب فاله
واليا تغيب جاوبته الحنايا
يابوسعدالجمع هذادلاله
من قدم الحسنات يلقاالجزايا
قدرك تعدافي مقامه مجاله
حبيت ربعك وستبحت الخفايا
شاعر كتب مضمون قلبه وقاله
واستغفر الله كان زلت يدايا