ناصيك يالعثمان ما جيت لسواك - محمد بن باني المخاريم

يا سعود انا من بدّة الخلق ناصيك
يا مسند اللي ف. المواجيب ينصاك

يالنّادر اللي طيباتٍ مجانيك
تسبق على فعل النواميس يمناك

ياللي على العليا بعادٍ هقاويك
وعلى دروب المرجله تتعب خطاك

ياسعود ياللي تكسب الطيب بيديك
على نباك وطيب سمعتْك جيناك

ازهمك باسمك يابيض الوجه وادعيك
ارشاي قاصر واطلب الرّي برشاك

جيتك من الوادي ولي هوقتٍ فيك
ناصيك يالعثمان ما جيت لسواك

يالوافي اللي يرفع الراس طاريك
من سمعتك عند النشاما عرفناك

ومعرفتك يا طيّب المعرفه شيك
عندي وعند اللي من الناس شرواك

لي لازمٍ عندك عسى الله يعافيك
وانا برجوى خالقي ثم برجواك

© 2024 - موقع الشعر