أغليه .. يعني اعشقه

اغليه يعني اعشقه يعني اهواه
يعني احبه حب ذربا خطاويه

يعني اموت بدنيته وآتمناه
ودي اكون اقرب من اقرب محبيه

يعني اشوفه دمع واسكن حناياه
واشيل برده عن ضلوعه وادفيه

يعني سكوني به ترانيم لخطاه
واسكونه بقربي من الطف معانيه

يعني كذا قلبي مع الروح تبغاه
لا عطّر اجوائي بكامل نواحيه

يغيب وقتي به وعيني تحراه
ويلوق سهري في حراره تفانيه

يخاطب احساسي بصافي نواياه
وآجف دونه ما روتني طواريه

لو تنكره نفسي فلا النبض ينساه
ناهيك عن وجد ٍ صدق في توانيه

مشراع حبي في المداهيل باقصاه
ماغيره يسوق الوله في موانيه

موجه يكر الغيم عن شط ذكراه
ويشّد به سيل ٍ خضع في مجاريه

اعيش تحت ارضاه وافداه وافداه
وارقى معا طعن الزمن في ثواني