معدن الأبريز

الحظ والناس وافكار احقر العالم
لاعاندوا كل رجال اهدموا حيله

لاني بظالم ولافكرت في ظالم
لاكن بعض البشر مدري شسويله

من يدعي معدن الابريز ياعالم
لابد سود النوايا في اقا ويله

والحمدلله معا نفسي ونا مسالم
واعلم النفس كيف الصعب تذليله

وان غمضت عيني قليبي معك والم
اسهر مع الشوق واغني مواويله

سلام ياللي لها في داخلي عالم
سلام ينثر من اشواقي محاصيله

احبك الفين مره والهوا حالم
الوقت كله لعينك لو بقي ليله

من عمرنا عشتها في جوك السالم
من كل غش وخداع الله ياويله

شاعر تولع بعشقك والهوى مالم
ينخان عهده ورب الكون ياحليله

كل الوفا والغلا والشوق متوالم
جاتك قصايد وغنت لك مراسيله