البعد جمرة - مشاري البابطين

الذكريات تعود والقلب يشتاق
وانا أصدّ وخايف من الحقيقه

قامت تلوح بقلبي رايات الاشواق
وذكرت انا أغلى واحد(ن) بالخليقه

لامن ذكرت اللي له القلب توّاق
عرفت وش معنى الغرام وطريقه

ولالاح لي من عالي النوّ برّاق
اذكر مبيسم صاحبيّ وبريقه

توت وعسل متخالطه فيه الاذواق
أذوب بين المبسم وطعم ريقه

وجيد(ن) تقول الشمس في وقت الاشراق
وشعر(ن) حكى لليل قصه عريقه

غرو(ن) فتني في سحر عينه أنساق
متربع(ن) في داخلي وش يعيقه

نقش غلاه ودوّنه بين الاعماق
والقلب من فقده توّحى شهيقه

فقده معنّيني ومحرقني إحراق
وذكره يزود من الحريقه حريقه

البعد جمره وأحرقت قلب عشّاق
والشوق نار(ن) والمشاعر رقيقه

الهم يسري بي ويبادلني إعناق
وجروح حزني في خفوقي عميقه

يالله تهوّنها على الصدر لاضاق
تفرج لصدر(ن) تعتلي فيه ضيقه

© 2024 - موقع الشعر