حقكـ مايجي غير قـوّة - مشاري البابطين

ماعاد فيني يابوأمجد على السير
في درب حقّك مايجي غير قوّة

تعبت من كثر السفر والمشاوير
في دنيتن عزّت رديّ الربوّة

وين الرّجال اللي على العزّ والخير
وين الصداقة في زمانٍ تشوّة

ناسٍ على طيب الفعايل مداوير
وناسٍ تدوّر كل ناقص مروّة

وناسٍ على شوفك تسوق التباشير
وناسٍ وراك تقول كذب وتفوّة

وأحدٍ تمنّى شوفتك دايم بخير
وأحدٍ بخير أصلآ هي اكبر عدوّة

وأحدٍ إلى من غبت ساق المعاذير
وأحدٍ إلى من غبت خان الإخوّة

قلّي طلبتك يابوأمجد وش يصير
في دنيتن خلّت خوّيك متوّة

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر