بعد رحيل مبارك - نياف حمود

ماهقيت انك تروّح يامبارك ..
. هقوتيبك مثل هقوات المطوّع

هاقين في طالبه يحفظ تبارك ..
..وطالبه مسكين لاشافه يزوّع

ينسي اللي حافظه لوه يشارك ...
. ماتذكر كود شرطانن تنوّع

مير يامبارك ترا هقوات جارك .
... جارك اللي بعد فقدانك تلوّع

يومهم شنو على راسك معارك ...
...قلت يصمد والله انه مايكوّع

مير من طيبه وعزه فر فارك ...
. خوف ياكلها على وجهه مخوّع

يوم اوباما عقب روحتكم يبارك ..
....زود فرحه يمكننه بيتطوّع

واليهود اتبارك اليومه لدارك ..
...يامصر حره ..,ويامصر المصروّع

والمواطن طاش من طيشه يعارك ..
..قال انا حرن وانا رجلن واروّع

وقام يعلن فالرسايل بالمشارك
....قال انا رجّال في حقي مانوّع

نعنبو من علمك معنى المعارك ..
.يوم خنت الدار ياوجه المسوّع

مابكم طيبه ولافيكم تبارك ..
..ولابكم رحمه ولافيكم مجّوع

مير ياحسني ترا الضلمى بدارك .....والله ان دار من عقبك يروّع

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر