دار جداني زحول القبيله - نياف حمود

لاياوطنا جعل الانذال تفداك
..تفداك قومن ماتعرف الجميله

قومن ليامنه غدا الجو فتاك
ذب الخرايم والخرايم طويله

ابنشده ياكيف ياكيف خلاك
.يومك منول ياوطنا كفيله

ياجعل من هو بالردى جاك ينصاك
الخالق الرحمن ربي يشيله

ياجعل ربي فالمقابيل يحماك
في كل صبح وكل عامن وليله

وياجعل منهو أسس الدار وانشاك
يسقيه ربي فوق قبره مخيله

عبدالعزيز اللي على الطيب مشاك
يوم المعاند مالقينا عديله

لاياوطنا كيف انا اليوم ابانساك
يادار جداني زحول القبيله

من شاف وجهي ياوطنا بيقراك
يقرا عميلن وافين مع عميله

وانا وفيت اليوم من طيب ذكراك .
ياحي هالذكرى ..وحي الوسيله

ويادرانا بين الدير زين ماحلاك
فيك الطبيعه والطبيعه قليله

ولاياملكنا عقب ربي لنا اعفاك ...
..جاك المطر يمطر ويقفاه سيله

هاذي تباشير الفرح والفرح جاك
...يادارنا الي مالقينا مثيله

لاياملكنا الي على الطيب مبداك ..
... راع العلوم الوافية والجزيله

ندعي عسا الله ربنا دوم ياقاك ....
...من هالزمان الي كفا الله ميله

وختامها لوقلت ابحصي مزاياك ..
.. ماظن اخلصها بتسعين ليله

وسلامتكم

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر