ضحكة شفاك

لـ غير معروف، ، بواسطة مشاري الشمري، في غير مُحدد

ضحكة شفاك - غير معروف

روعة الدنيا على ضحكة شفاك
لاضحكتي تضحك الدنيا معك

حارت ابياتي على مشرف غلاك
أبدع المعنى واحطه وارفعك

ماعرفت اشلون يجرحني سناك
أرتجف لاشفت روعة مطلعك

هدهدي قلبٍ تولع في هواك
غصب عنك وعنه أصبح موضعك

صدقيني فرحة ايامي معاك
ياهناتي يوم اشوفك واسمعك

أشهد اني من عرفتك ياملاك
والسعادة نبعها من منبعك

لاحظي وشلون أحيا في رجاك
وين مارحتي شعوري يتبعك

أعشقك واهيم في روعة حلاك
واصرخ بنشوة فرح ما أروعك

لو طلبتي العمر ياعمري فداك
وإن طلبتي الروح جتك لموقعك

غاليه وأحب من يعشق ثراك
هذا قلبي يا حبيبة مرتعك

أغار من ثوبك ومن لمسة ضناك
واحترق لاضم وجهك مسفعك

منيتي يامنيتي أكسب رضاك
منيتي من كل همٍ أنزعك

درب حبك أعشقه لو هو هلاك
متعتك لو في عذابي أمتعك

ياحلاة العمر لاعشته معاك
وياهلاكي لأنجبرت أودعك

مناسبة القصيدة

كتب مجنون .. رسالة حب .. إلى أجمل بنات الكون .. واطيب قلب .. رسالة خطها همه .. على سطره نزف دمه .. وباح سره المكنون .. كتب مجنون ..حبيبة قلبي وعمري .. قمر ليلي ..ضيا فجري .. حلا شهدي .. مرار صبري .. وضحكاتي .. وصرخة قلبي المحزون .. كتب مجنون ..أحبكِ .. أعشقكِ .. أهواكِ .. أحب أسهر مع ذكراكِ ..وأحب أكثر أكون وياكِ ..وذا حلمي .. وين ماكنتي ودي اكون..كتب مجنون ..سواليف الهوى عنك ..قصايد نبضها انتي..ولا منه ضحك سنكِ ..من الفرحة .. يضحك والدمع بعيون .. كتب مجنون ..لعينك صادق إحساسه ..وصوت الآه بأنفاسه ..بحبك رافعٍ راسه ..
© 2024 - موقع الشعر