ريع السعاده ..!

ياهبايب كان هبيتي خذيني
ثم حطيني على ريع السعاده

واخذي الاحزان من قلبي وعيني
لا تصير لقلبي الاحزان عاده

حلقيبي فالسماء ثم ارجعيني
وابعديني عن محبين النكاده

ماتت الاحلام في راحة يديني
وابعدو عن عيني احبابي زياده

والسعاده هاجرت من راحتيني
هجرة اللي كاره ٍ شوفة بلاده

لو ضحكت الناس تجهل ويش فيني
مادرو عن ضحكتي ضحكة بَلاده

آه يالايام ليتك تفرحيني
ضاع عمري بالهوى .. طيش وقراده

غلطتي حبيتها ف أول سنيني
وجرحتني جرح كيف القى ضماده

اتركتني بين ناس ٍ ماتبيني
في زمان ٍ ماقدرت أمسك شداده

عشقي إلها يوم كان البيت طيني
قبل لا تكبر وتشتال القلاده

يوم عمري عشر والضحك بيميني
ماعرفت الحزن والليل وسهاده

قبل ترحل واخبر بخافي كنيني
ويتوفى الحلم في لفة مهاده