الروح معذوره

دامك تعرف أني عنيده ولا أتوب
وش خلى روحك تجتهد في عتبها

ما كنت في ذاك اللقاء صدق محبوب
وينه هواك بوقتها ما حسبها

في وقتها كل الذي قلت محسوب
ما أظلمك والروح ما أحدن غصبها

الروح معذورة لها قلب مسلوب
وانته تعرف اللي تجنى وسلبها

ما ودي أتكلم ولي قلب متعوب
أنته الخصيمة تعرف اللي نشبها

وان كان صادق في الهوى ما أنت مغصوب
برهن لروحي قبل تظمى بشهبها

اليوم لك كلمه وبالأمس مقلوب
أيامك اللي صافيه من قلبها

حاول تكون العاشق اللي به أذوب
واعرف متى روحك تبين طلبها

لي روح ما تعرف متاهات ودروب
ما تعرف ألا درب وانته دربها

وان كان لك ميه على مية أقلوب
فا أنا اعتذر لو دمع عينك سكبها