موعد ... وسهره ..!

ماابيك إعجابٍ ونظرة وبعده موعد وسهرة
أبي إحساسك أبي قلبك أبي قصة غرامية

أبيك تهز وجداني بكلمة حب مختصرة
وأبيك تحطم الشيخات لعيوني اكرامية

أبيك الفارس اللي ماسواك أحدٍ عسف مهره
على إيديه أعترف وآقول جيتك بإنهزامية

أبي لا قالوا النشمي كتب لعيونها شعره
وهو شيخٍ ولد شيخٍ تجيه الروس محنية

أبي ليلي على صدرك يطول بحلمه وسحره
وأبي ايامي على ذوقك وكل الناس منسية

تجي تقدر , قريب أكثر تلم ورود منتثرة
تعال وشف مساحات الغلا يا كثرها فيّه ..!