الرجال الوفيقه - فهد بن عميان

كثر الكلام وزبدته كل ماقل
وزوده ونقصه مايحقق طريقه

خذ مختصر لماح لقال مازل
لاقال يظهر لك كلامه حقيقه

بعض البشر لا من نطق كلمته دل
في الحال رده محترى له دقيقه

ينقى كلامه مابعد قيل عدل
مثل النحل يختار زهرة رحيقه

كلن يرحب به إلى سير وحل
وكلن يبي معه علاقه وثيقه

وبعض البشر لا من نطق كلمته عل
يصمت وإلي غيره تكلم يعيقه

إلى تكلم غيره إيجيك منتل
وأحيان يشرق من كلامه بريقه

لامن وَردْ كلامه إيزل ويخل
إيخل بمنطوق الرجال الوفيقه

هذا وانا لي مجلس بعالي التل
معا مطاليق ٍ تنومس رفيقه

الى تكلم واحد ٍ انصت الكل
هروجه جميلة كل ابيها عميقه

عسى لهم قدر ٍ كبير ٍ وبسئل
اتعزهم ساعة قيام الخليقه

© 2024 - موقع الشعر