براق الوحش - محمد المصعبي
ياأهل الطيور اللي تفج السماء فجحد شاف براق الوحش في مداجه؟فرخ الحرار اللي على صاحبه هجأقفا وصقاره تعكر مزاجهاقفا وهو من صاحبه مابعد ضجلكن عيون الناس سبّة هجاجهمايذكرون اللي أمر عبده الحجوإحنا طلبنا الله منهم خراجه!بأسبابهم خالد عن ديارنا سجيطرد ورى طيرٍ خذته العجاجهويا بلشة الصقّار لا صار محرجطيره غدى والناس تهوى اللجاجهيبلش ولا يلقى لذا الحال مخرجبلواه من ناسه وطيره علاجهوما ألوم راعي الطير لو دجها دجفي كل صحراء قاحله لاجل حاجهالطير حبه مثل نارٍ توهجوراعيه قلبه فوق ذا النار صاجهتصلى خفوقه طول قيضه ويبهجلا بان نجم سهيل يعني فراجهلكن مصيبه منها العقل يرتجلا طار عنه الطير وابعد نهاجهيطرد وراه وصاح بالصوت وأزعجلكن مهّب الريح للصوت عاجهوالشمس غابت عنه والليل دجدجولا كشف طيره لعينه سراجهمسكين يسهر ليلة النحس ملتجقلبه على طيره كثيرٍ خلاجهوأنا عليه أمسيت زعلان محتجوالهاجس أمسى حمس عاقد حجاجهياأهل الطيور اللي تفج السماء فجشفتوا ل خالد ما يجيب ابتهاجه؟حرٍ وحش ساسه من ايران منتجاشقر ومثله ما ورد في حراجهوساعٍ قحوفه وسطها عيونه الدعجمثل العقيق اللي ذماري نتاجهكن الثنادي في النحر درعٍ أكوجلا عاكس افواج الهوى في التواجهوكن صفّ ريشه في جناحه تدرجمن عاتقه لا موسته في اندراجهلا من كفخ في الجو ماكنه أعوجتوحي رفيفه لا هوى في انزراجهوان حلّ فوق الوكر وانته تفرجالأجناح سيفين ألتقت بإندماجهافجح سراويله طويلات تنزجعلى الكفوف الضارية في انزعاجهوعذروبه اللي ناسنا فيه تحتجمافي كراعه حجل لا جاء احتجاجهحتى شليله ما حوى ريشة افرنجيتبع تذبذبها بحسب إنتهاجههذي وصوف الطير يافاهم الهرجلا لاح لك في ذا الخضيراء رواجهمن شان راعيّه من الضيق يفرجضيقٍ على الخفاق سيّج سياجه
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.